Сабақ тақырыбы: Жергілікті және ауқымды желілер
Сабақ мақсаты:
- Білім берушілік Жергілікті және ауқымды желілер. Желі түрлері туралы білімдерін қалыптастыру
- Дамытушылық ойлау, есте сақтау қабілетін дамыту
- Тәрбиелік жинақтылыққа және жауапкершілікке тәрбиелеу
Сабақтың барысы:
Тақырып бойынша негізгі білім өзектілігі:
- Компьютерлік желі дегеніміз не?
- Компьютерлік желі классификациясы?
- Тасымалдау ортасы бойынша желі қалай бөлінеді?
Компьютерлік желідегеніміз – әр түрлі ақпарат тасымалдаушыларды қолданбай-ақ, компьютерлер арасында ақпарат алмасуға мүмкіндік беретін компьютерлер мен басқа да құрылғылардың жиынтығы.
Компьютерлік желілер пайдаланушылардың жылдам ақпарат алмасуын қамтамасыз етумен қатар, принтерлер мен басқа да қосымша құрылғыларды біріге пайдалануға, бір мезгілде бірнеше адамның бір құжатпен жұмыс жасауына мүмкіндік береді.
Жергілікті желі бір бөлмеде орналасқан компьютерлерді өзара байланыстырады. Жергілікті желіге қосылған әрбір компьютер арнайы тақшамен (желілік адаптер) жабдықталуы керек. Компьютерлер (желілік адаптерлер) бір-бірімен кабельдер арқылы байланысады. Бір қала мен ауданда немесе бір мемлекетте орналасқан мекемелердің компьютерлерін өзара біріктіру үшін аймақтық желілер құрылады. Корпоративті желіге банк мекемелері мен олардың филиалдарын, әскери ұйымдарды, сақтандыру компаниялары т.б. ұйымдардың компьютерлерін біріктіретін желілерді жатқызуға болады.
Интернет – көптеген жергілікті, аймақтық және корпоративтік желілерді біріктіретін ауқымды компьютерлік желі. Интернет жер шарының әр түкпірінде орналасқан миллиондаған компьютерлерді өзара байланыстырады.
| 
